I løpet av 2023 vil Politiets spesialeining (PST) starte masseovervaking av alle borgarane i Norge. All kommunikasjon og aktivitet på internett blir registrert, lagra og analysert. Lova blir vedtatt i Stortinget denne veka.

Omfanget av lova er enorm. «Lova gir PST tilnærma uavgrensa moglegheit til å kartlegge norske borgarars meiningar, politisk ståstad, legning og helse» skriv Datatilsynet i sitt høyringssvar. Alt skal registrerast og lagrast både meiningar i kommentarfelt i avisartiklar og alle nettsøk vi gjer. Også opne diskusjonar på sosiale medium, offentlege register og bloggar. Alle leverandørar av elektronisk kommunikasjonsteneste må lagre IP-adresser og gjere dei tilgjengeleg for politiet. I tillegg kan den militære Etterretningstenesta tappe, lagre og analysere all datatrafikk som går ut og inn av Norge, og dette omfattar det meste av all elektronisk kommunikasjon, også mellom norske borgarar. Uff.

Det skremmer meg langt inn i ryggmargen at dette blir vedtatt utan offentleg debatt. Og mot alle kritiske innspel frå høyringsrunden. Dette er kanskje den mest dramatisk lovendringa for borgarane som blir vedtatt i Stortinget sidan 1814, og det skjer lydlaust i det offentlege rom. Regjeringa har gått så stille i dørene at knapp ein nordmann er klar over kva som skjer. Og vi er ikkje sovande menneske, men vi manglar informasjon. Dette får meg til å trekke slutninga at vi allereie langt på veg er ein politistat. Den kan fungere i hemmelegheit med å avgrense tilgangen til informasjon. Kjenneteikn på ein politistat er omfattande kontroll over samfunnet og borgarane, inkludert overvaking av borgarane, avgrensa ytringsfridom og pressefridom, slik at media ikkje kan avdekke eller rapportere om regjeringa sin aktivitetar. Og manglande respekt for individuelle fridomar og rettar.

Regjeringa argumenterer for at lova skal avdekke ekstremisme, etterretning og terror planlegging. Og trussel for «eventuelt utvikling mot voldelig klimaekstremisme». Det mine øyrer høyrer er manipulasjon. Akkurat som argumenta for å innføre bompengar på vegane var å redusere bilkøyring for å ta vare miljøet. Men når vi køyrde og betalte mindre enn prognosert, så fekk pipa ein anna lyd. No er det ingen som koplar bompengar og miljø lenger. Nokre gonger kan det vera betre å sei sanninga som den er, vi går frå frie borgarar til å bli overvaka og kontrollert.

Korleis dette påverka ytringsfridom og personvern er ein anna diskusjon. Ein stor diskusjon. Min hensikt med bloggen er å bli bevisst masseovervakinga over alle nordmenn. Det totale bilde er ein alvorleg situasjon. Og dette skjer bak ryggen vår, heilt utan informasjon. Kunsten er å vera bevisst kva som er i ferd med å skje.