Astrologar har lenge sagt at det skjer store endringar dette året. Og det astrologiske verktøyet fortel vidare at dette tiåret blir revolusjonerande, der vi vil oppleve store utenkjelege endringar og omveltingar i samfunnet. Det blir det største som skjer i manns minne.

Astrologar har snakka om 12. januar 2020 i mange år. Den dagen står planetane Saturn og Pluto tett saman i stjerneteiknet Steinbukken. Det har ikkje skjedd på fem hundre år, og det var på den tida då Martin Luther skreiv verdshistorie. Han hevda avlatshandel var svindel, og det skapte skjelv i maktstrukturen og permanente endringar i samfunnet. Dei berømte tesene splitta etter kvart det kristne Europa. Det skjedde lite ståhei 12. januar i år, men i all stillhet skjedde det første dødsfallet som følgje av korona viruset i Kina. Det var ikkje på nyheitene, men det har fått store ringverknadar. Og har gitt permanente endring i heile verden. Slik det skjedde 11.september 2001 då Pluto stod i opposisjon til Saturn og vi fekk ei permanent endring for flyreiser og systemet rundt. Andre endringar som skjer i kjølvatnet av Pluto sitt treff med Saturn er at store system og hierarki står for fall. Vi skal skape nye samfunns strukturar og bygge små samfunn med ærlegdom og ekte vare. Og skape ny tillit mellom menneska. Skuggesidene i samfunnet blir opplyst. Korrupsjon blir avdekka og hemmelege bakrom misser makta. Det er ei tid for alt, og no blir det slutt med misbruk av makt. Pluto fortset si reise på himmelen, men etterverkandande heng fast.

Astrologar snakkar og om planeten Uranus som fartar gjennom stjerneteiknet Tyren. Uranus er forandring og planeten skakkar jorda fysisk opp med jordskjelv og vulkanar og overflod av vatn. Og den vil skape store forandringar i grunnverdiane til menneske. Både forhold til pengar og natur, men og kva som er viktig og vesentleg i livet.

Og som om dette ikkje er nok, så er vi på full fart inn i tidsalderen Vannmannen. Og Fiskene sin tidsalder med all menneskeleg liding er over. Ein tidsalder vare ca 2000 år så det er vedunderleg å vera vitne til dette tidsskilje i menneskeslekta. Den som lever får sjå korleis ting utfaldar seg. Men det er greitt å få ein peikepinn frå ein astrologisk vinkel. Kunsten er stole på at blir bra til slutt.