Verden kunne blitt ein betre stad å vera dersom all dobbelmoral forsvann. Men no praktiserer vi ein moral og doserer ein anna. Tar avstand frå mobbing og barn som hetsar kvarandre på sosiale medium. Eller for den saks skuld vaksne som sjikanerer andre menneske grovt. I full offentlegheit utan å få konsekvensar. Aksepterer at barn spelar timevis med voldelege dataspel. Som Fortnite for eksempel. Der våpen er viktigaste brikke. Det er på gyngande grunn å skrive om Fortnite for eg manglar erfaring, men har forstått at poenget er å skyte kvarandre og bruke simple triks for å vinne. Til «styggare» ein er til meir å vinne. Det er jo heilt naturstridig. Og vi ignorerer skader som barn vert påført gjennom tv, der vold og tap er underholdning. Eller sluker rått intriger og sleivspark og deltakarar som trakkar ned medspelarane med å kritisere og manipulere og vera sjofel for å vinne den store premien. Etterpå applauderer og glorifiserer mange vinnaren, men tar avstand frå konsekvensane det gir. Styresmaktene prøver å fjerne symptoma av vold og stygt språkbruk i samfunnet, men viser liten vilje til å fjerne rota til det vonde. For lærdom ein plass blir uttrykt ein anna plass. Men vi nektar å innsjå det. Eller innrømme det. Dette gir god grobotn til dobbeltmoralen, som no lever sine velmaktsdagar.

Så vil vi skape meir medkjensle mellom menneska og fjerne vonde ord og handlingar i samfunnet, så er første bod å fjerne sin eigen dobbeltmoral. Kunsten er å vera autentisk i ord og handling.